PAPPENHEMIA Familia

PAPPENHEMIA Familia

in Germaniae illustribus, Marescallatus dignitate hereditariâ in Imperio insignis, a Calatino Romano, qui Drusô et Tiberiô bella gerentibus in Vindelicio remanserit, originem secundum quosdam arcessit. Lineae plures fuêre; Nam, praeterquam quod in Henrici, qui decessit A. C. 1278. filiis, Hildebrandus Pappenhemios in Biberach sevit, prior Henricus primariam stirpem propagavit. In hac Henrici abnepos Haupto IV. filios habuit, totidem linearum auctores. Conradus primus ex iis fuerat, sed eius posteritas etiam prima defecit A. C. 1597. Henrici ramus, in Maximiliano Landgrav. Stulingensi exaruit A. C. 1639. Georgii, qui tertius erat, abnepos Wolfgangus Adamus (Godofredi Henrici Comitis Pappenhemii, celebris Belli Ducis, in pugna Lutzensi, quâ et Gustavus Adolfus Sueciae Rex occubuit, occisi A. C. 1632. fil.) morte suâ istam lineam terminavit, A. C. 1647. Superest nunc posteritas Sigismundi, qui inter liberos Hauptionis quartus recensetur. Habuit et Henricus praefatus utriusque sexus liberos. sed qui omnes in versô naturae ordine ante Patrem obiêre. Horum Maiores ab aliquot saeculis ita habent. Henricus Dn. et Marescallus Pappenhemius, qui obiit A. C. 1482. ex Anna (filia Iodoci Dn. de Abensperg) genuit Wilhelmum Marescallum Pappenhemium, defunctum A. C. 1518. Hôc et Magdalenâ Dn. de Rechberg, natus Wolffgangus Marescallus de Pappenheim, decessit eôdem cum Patre annô, et ex margareta de Roth (quae usque ad A. C. 1555. supervixit) reliquit filium Conradum Marescallum, qui defunctus est A. C. 1603. Pater ex Catharina Dn. de Lamberg, Maximiliani Marescalli Pappenhemii, Landgravii, qui obiit A. C. 1639. ramumque hunc illustris familiae terminavit. Ei enim ex Maria Ursula Comite Leiningensi geniti, Ernestus Fridericus decessit annô suô natali 1609. Henricus Ludovicus A. C. 1633. et Maximiliana Maria (uxor Friderici Rudolsi Comitis Furstenbergii) A. C. 1635. Phil. Iac. Spener. Theatr. Nobil. Europ. Part. 2. p. 80. In inauguratione Imperatorum Pappenhemii Comites, Archimarescalli Electoris Saxoniae, si absit, vices gerunt: quemadmodum Barones Walpurgici Truchsessii, Archidapiferi Electoris Bavariae et Comites zollerani Archicamerarii Brandeburgici, Vicarii sunt, etc. Wendelinus Doctr. Polit. l. 2. c. 35.